SBI வங்கியில் 5,180 காலிப்பணியிடங்களுக்கு ரூ.46,000 முதல் ரூ.64,480 வரை ஊதியத்தில் வேலை வாய்ப்பு..!

 SBI வங்கியில் 5,180 காலிப்பணியிடங்களுக்கு ரூ.46,000 முதல்  ரூ.64,480 வரை ஊதியத்தில் வேலை வாய்ப்பு..!

எஸ்பிஐ வங்கியில் வேலை நாடு முழுவதும் காலியாக உள்ள 5,180 ஜூனியர் அசோசியேட்ஸ் பணியிடங்களுக்கு அறிவிப்பு வெளியாகியுள்ளது. இதில் தமிழ்நாட்டில் மட்டும் 380 காலிப்பணியிடங்கள் உள்ளன.

ஸ்டேட் பேங்க் ஆஃப் இந்தியா வங்கியில் (எஸ்பிஐ) வாடிக்கையாளர் சேவை மற்றும் சேல்ஸ் பிரிவில் உள்ள ஜூனியர் அசோசியேட்ஸ் காலிப்பணியிடங்களுக்கு அறிவிப்பு வெளியாகி ஆன்லைன் வழியாக விண்ணப்பம் தொடங்கியுள்ளது.

தேசிய அளவில் மொத்தம் 5,180 காலிப்பணியிடங்களுக்கான மெகா அறிவிப்பு இதுவாகும். தமிழ்நாட்டில் சென்னை வட்டாரத்திற்குட்பட்டு மட்டும் 380 பணியிடங்கள் நிரப்பப்படுகிறது.

ஏதேனும் ஒரு பாடத்தில் டிகிரி முடித்தவர்கள் இந்த வாய்ப்பிற்கு விண்ணப்பிக்கலாம்.

பணியின் விவரங்கள்

ஜூனியர் அசோசியேட்ஸ்

 (வாடிக்கையாளர் சேவை மற்றும் சேல்ஸ்) 

380

இவை பொதுப் பிரிவு - 165

 பொருளாதாரத்தில் பின்தங்கியவர்கள் - 38

ஒபிசி - 102

எஸ்சி - 72

எஸ்டி - 3 

என நிரப்பப்படுகிறது.

வயது வரம்பு

எஸ்பிஐ வங்கி பணியிடங்களுக்கு விண்ணப்பிக்க விரும்பும் நபர்கள் 01.04.2025 தேதியின்படி குறைந்தபட்சம் 20 வயது இருக்க வேண்டும். அதே போன்று, அதிகபடியாக 28 வயது வரை இருக்கலாம்.

 விண்ணப்பதார்கள் 02.04.1997 தேதிக்கு முன்னரும், 01.04.2025 தேதிக்கு பின்னரும் பிறந்திருக்கக்கூடாது. ஒபிசி பிரிவினருக்கு 3 வருடங்கள் வரையும், எஸ்சி/எஸ்டி பிரிவினருக்கு 5 வருடங்கள் வரையும், மாற்றுத்திறனாளிகளுக்கு 10 வருடங்கள் வரையும் தளர்வு உள்ளது.

 தொழிற்பயிற்சி பெற்றவர்களுக்கு வயது வரம்பில் தளர்வு உள்ளது.

கல்வித்தகுதி

ஜூனியர் அசோசியேட்ஸ் பதவிக்கு அங்கீகரிக்கப்பட்ட பல்கலைக்கழகத்தில் அல்லது கல்வி நிறுவனத்தில் ஏதேனும் ஒரு பாடப்பிரிவில் பட்டப்படிப்பை முடித்திருக்க வேண்டும் அல்லது அதற்கு நிகரான கல்வித்தகுதியை பெற்றிருக்க வேண்டும். 

இறுதி ஆண்டு படிக்கும் மாணவர்களும் விண்ணப்பிக்கலாம். இருப்பினும், 31.12.2025 தேதிக்குள் தேர்வில் தேர்ச்சி பெற்றதற்கான சான்றிதழை சமர்பிக்க வேண்டும்.

 மேலும், விண்ணப்பதார்கள் தமிழ்நாட்டில் உள்ள பணிக்கு விண்ணப்பிக்க தமிழ் மொழி தெரிந்திருக்க வேண்டும் அதற்கான தேர்வில் தேர்ச்சி பெற வேண்டும்.

சம்பள விவரம்

எஸ்பிஐ ஜூனியர் அசோசியேட்ஸ் பதவிக்கு தேர்வு செய்யப்படும் நபர்களுக்கு அடிப்படை சம்பளமாக ரூ.24,050 முதல் ரூ.64,480 வரை சம்பளம் நிர்ணயிக்கப்பட்டுள்ளது.

 தொடக்கமே அடிப்படை சம்பளம் ரூ.26,730 உடன் கொடுப்பனைகள் சேர்ந்து மாதம் ரூ.46,000 மெட்ரோ நகரங்களில் பணியமர்த்தப்படும் நபர்களுக்கு வழங்கப்படும்.

தேர்வு செய்யப்படும் முறை

வாடிக்கையாளர் சேவை மற்றும் சேல்ஸ் பிரிவில் உள்ள இப்பணியிடங்களுக்கு முதல்நிலைத் தேர்வு, முதன்மைத் தேர்வு மற்றும் உள்ளூர் மொழி தகுதி தேர்வு ஆகியவை நடத்தப்படும்.

 முதல்நிலைத் தேர்வு 100 மதிப்பெண்களுக்கு நடைபெறும். இதில் நெகட்டிவ் மார்க் உள்ளது. இதில் தேர்ச்சி பெறுபவர்கள் முதன்மைத் தேர்விற்கு தகுதி பெறுவார்கள்.

 முதன்மைத் தேர்வு 200 மதிப்பெண்களுக்கு நடைபெறும். இதிலும் தேர்ச்சி பெறும் நபர்களுக்கு மொழி தகுதி தேர்வு நடத்தப்படும். 10 அல்லது 12-ம் வகுப்பில் தமிழ் மொழியை ஒரு பாடமாக படிக்காதவர்கள் மொழி தகுதி தேர்வை எழுத வேண்டும். 

பிறர் எழுத கட்டாயமில்லை. பேச, எழுத தேர்வு நடத்தப்படும்.

இதனைத்தொடர்ந்து, தேர்ச்சி பெற்றவர்களுக்கான உத்தேச பட்டியல் வெளியிடப்படும். சான்றிதழ் சரிபார்ப்பிற்கு பின்பு இறுதி பட்டியல் வெளியிடப்பட்டு பணி நியமனம் செய்யப்படுவார்கள்.

விண்ணப்பிக்கும் முறை

இப்பணியிடங்களுக்கு விண்ணப்பிக்க விரும்புகிறவர்கள்

 https://bank.sbi/web/careers/current-openings

 அல்லது

 https://sbi.co.in/web/careers/current-openings

 என்ற இணையதளங்களில் ஆன்லைன் வழியாக விண்ணப்பிகக் வேண்டும். விண்ணப்பக் கட்டணமாக ரூ.750 செலுத்த வேண்டும். இதில் எஸ்சி, எஸ்டி, மாற்றுத்திறனாளிகள் விண்ணப்பக் கட்டணம் செலுத்த வேண்டிய அவசியமில்லை.

சென்னை, கோயம்புத்தூர், கடலூர், ஈரோடு, கரூர், மதுரை, நாகர்கோவில், நாமக்கல், சேலம், தஞ்சாவூர், திருச்சி, திருநெல்வேலி, வேலூர் மற்றும் விருதுநகர் ஆகிய மாவட்டங்களில் தேர்வு மையம் அமைக்கப்படும்.

ஆன்லைன் விண்ணப்பம் ஆகஸ்ட் 6 முதல் தொடங்கிய நிலையில், ஆகஸ்ட் 26 வரை விண்ணப்பிக்கலாம். இதற்கான முதல்நிலைத் தேர்வு செப்டம்பர் மாதமும், முதன்மைத் தேர்வு நவம்பர் மாதமும் நடத்த திட்டமிடப்பட்டுள்ளது.

முக்கிய நாட்கள்

விண்ணப்பம் தொடங்கப்பட்ட நாள்

 06.08.2025

விண்ணப்பிக்க கடைசி நாள்

 26.08.2025

முதல்நிலைத் தேர்வு

 செப்டம்பர் 2025

முதன்மைத் தேர்வு

 நவம்பர் 2025

பொதுத்துறை வங்கியான ஸ்டேட் பேங்க் ஆஃப் வங்கி பணிக்கு ஆர்வமுள்ளவர்கள் இந்த வாய்ப்பைப் பயன்படுத்திகொண்டு உடனே விண்ணப்பிக்கலாம். கடைசி தேதிக்குள் ஆன்லைன் வழியாக தேவையான ஆவணங்களுடன் விண்ணப்பிக்கலாம்.